तिमी जिउदैछौ ( कबिता)

तिम्रो चिहानमा

म मृत्यु इच्छा पढ्न आएको होइन

मलाई थाहा छ

तिमी मर्न सक्दैनौ ।

तिम्रो मृत्युको साँचो खबर जसले सुनायो

त्यो झूटो थियो - त्यो तिमी कहाँ थियौ र?

कुनै सुकेको पात हावासित हल्लिँदै टुटेको थियो

त्यो दृश्यमा कैद छ अझै

म जे पनि देख्छु वा सोच्छु

जुन तिम्रो इज्जत र बदनामीको दुनियाँ थियो

कहीँ केही पनि बदलिएको छैन

तिम्रो हात मेरो औंलामा सास फेर्दछ

म लेख्नको लागि जहिले पनि

किताब कलम उठाउँछु

तिमीलाई मेरै नजिक बसेको पाउँछु

शरीरमा जति पनि मेरो रगत छ

त्यो तिम्रै कामना र कमजोरीका साथ बग्छन्

मेरो आवाजमा लुकेर

तिम्रो आत्म बस्दछ

मेरो बिमारीमा तिमी

मेरो लाचारीमा तिमी

तिम्रो चिहान झूटो हो

तिम्रो चिहानमा

म गाडिएको छु

तिमी ममा जीवित छौ

कहिले फुर्सद पायौ भनें

मेरो चिहानमा मृत्यु इच्छा पढ्न आउनू।