फेेरी पहाडतिर ( कबिता )

फेरी पहाडतिर

        (कबिता )

पुरानो परिचित जस्तै लाग्ने

तर बिरानो र बेरसिलो

खस्रो हावा बग्दैछ

रोगी पहाडहरुका चेपबाट

भुनभुनाउदै हिडेको पानीको

मीठो सुगन्ध छरेर तातो मैदानमा ।

**

उता पहाडमा भने

मरीसकेका बाआमाको मुर्दाघर समालेर

ख्वै, को कुरेको होला र मलाइ ?

आगनको छेउमै उभिएको

खरी, काप्रो र भिमलको

ती तिनवटै पुराना रुख बाहेक ।

**

एक हुल भङेराहरु

एक जोडी गौथलीहरु

गासबासको ठेगान निश्चित गर्दै

भौतारि रहेका होलान

दिशाहीन भएर

नांगो र कुरुप बनेको सानो आगन भरी ।

**

अनुहार सकिएका उजाड डाडाहरुसित

जन्मेको ठाउ रुङदै र काल कुर्दै

           जोरीपारीका जस्ता लाग्ने बुढाबुढीहरु

           आहालमा हेलिए जत्तिकै होलान ।

          ***

            करक्क हुन्छ छातिभित्र,

            खोलामा राजगरेका भ्यागुताहरुको

            थला परेको बैँस तथा बर्कतबाट

             सँधै साँझ बिहान पाएको लातले

             र भोली बिहान फेरी पहाडतिरै

              फर्केर जाउ जस्तो लाग्दैछ ।

                ***

                                     बागडोल, काठमाडौं

                                       १० चैत ,२०७५