प्यारो रसिलो भुमी
--------=============----------------
तिम्रै निर्मल शिर्ष देखि कलकल् बग्दैछ पानी तल ।
तिम्रै वृक्ष समूहले गगनमा फ्याक्दैछ हावा अझ ।
तिम्रै काख बनेछ गाउँघरमा निर्बाहको मञ्जरी
सारा तिर्थ र देबतादि रहने मेरो रसिलो भुमी !
अग्ला पर्बत श्रृंखला हिमचुली शैबालिनी निर्झरी,
खोला खेत गरा पहाडमुनिका पाखा पखेरा पनि
धर्तिकै अती दिब्य स्वर्णिम छटा फैलाउदिछौ तिमी
क्या राम्रो रचना रच्यो प्रकृतिले मेरो पियारो भुमी ।।
सारा बैभव राजपाट गरिमा चाहिन्न केही पनि
हे मेरी धरिणि! पबित्र महति! बुध्दत्व देउ तिमी
तिम्रै शुध्द पबित्र जल जमिनमा अध्यात्मबेत्ता बनी
बस्ने बास मिलोस् भनी गुहार्न पुगियो मेरो मयालु भुमी ।
आफ्नै संस्कृति धर्मका चहकमा आस्था पलायो अति
सारा विश्व डुले पनि तिमी सरी काँ पाउनु नि भनी
आफनै शान्त सुस्वादु मौन मनमा सारै रमाइबरि
थाले बस्न म ता तिमी नजिकमै मेरो दयालु भुमी ।।
No comments:
Post a Comment